پزیشكی تایبەتی فیرعەون- سینۆھە...
کاتێک سینۆهە شەوێک بە مەستی لە تەنیشت ڕووباری نیل خەوی لێ دەکەوێت، بۆ بەیانی خەبەری دەبێتەوە و یەکێک لە کۆیلەکانی میسر کە هەردوو گوێ و لووتی بە نیشانەی کۆیلەبوون بڕدرابوون، بەسەر سەری خۆیەوە دەبینێت، سەرەتا لێی دەترسێت بەڵام دواتر کاتێک بۆی دەردەکەوێت بێ ئازارە دەست دەکات بە قسەکردن لەگەڵیدا٠
کۆیلەکە باسی ئەو زوڵم و دەستدرێژییانە دەکات کە چینی خانەدانی میسر دەرهەق بە ئەو ئەنجامیان دابوو، باس لە فەرمانڕەوایەتیی دەرەبەگی ئەو ڕۆژانەی وڵاتی میسر دەکات٠
کۆیلەکە داوا لە سینۆهە دەکات بیبات بۆ سەر گۆڕی یەکێک لە خانەدانە ناسراو و ستەمکارەکانی میسر، چونکە سینۆهە خوێندەوار بوو، دەیویست بزانێت خودایان چییان لەسەر گۆڕی ئەو ستەمکارە نووسیوە٠
سینۆهە لە کۆیلەکە دەپرسێت بۆچی دەتەوێ چارەنووسی ئەم کەسە بزانیت؟
کۆیلەکە دەڵێت چەند ساڵێک لەمەوبەر من مرۆڤێکی بەختەوەر و ئازاد بووم، هاوسەرێکی جوان و کچێکی گەنجم هەبوو، کێڵگەیەکی بچووک و پڕ بەرەکەتم هەبوو کە لە تەنیش کێڵگەیەکی فراوان و بێ سنووری یەکێک لە خانەدانەکانەوە بوو، ڕۆژێک ئەو بە پێدانی بەرتیل بە کاربەدەستانی فیرعەون زەوییەکەی منی کرد بە ناوی خۆیەوە و بەبەرچاومەوە دەسدرێژیی کردە سەر هاوسەر و کچەکەم، پاشان هەردوو گوێ و لووتی بڕیم و بۆ کاری زۆرەملێ ڕوانەی کانەبەردەکانی کردم٠
چەندین ساڵ کاری بە هاوسەر و کچەکەم کرد و پاشانیش هەردووکیانی وەک خزمەتکار فرۆشت و ئێستا هیچ زانیارییەکم لەبارەیانەوە نییە٠
ئێستا لە کانەبەرد ڕزگارم بووە و بیستوومە ئەو کەسە مردووە، لەبەرئەوە دەمەوێ بزانم خودایان چییان لەسەر گۆڕەکەی نووسیوە٠
سینۆهە لەگەڵ کۆیلەکە بۆ شاری مردووەکان (گۆڕستان) دەڕوات و نووسراوی سەر گۆڕی ئەو کەسە بەم جۆرە دەخوێنێتەوە:
«ئەم پیاوە کەسێکی بەڕێز و دروستکار بوو، هەمیشە لە ژیانیدا هاوکاریی لێقەوماوانی دەکرد و ناموسی خەڵکی لای ئەو پارێزراو بوو، ئەو زەوییەکانی خۆی بە هەژاران دەبەخشی و هەرکات کەسێک ماڵێکی لێ ون ببووایە لە سامانەکەی خۆی بۆی دەژمارد و قەرەبووی دەکردەوە، ئەو ئێستا لای خودای مەزنی میسر (ئامون)ە و بە بەختەوەریی هەمیشەیی گەیشتووە٠»
لەم کاتەدا کۆیلەکە دەست بە گریان دەکات و دەڵێت:
«ئەو هێندە کەسێکی بەڕێز و دروستکار بووە و من نەمزانیبوو؟ دروودی خودایان لەسەر ئەو بێ٠ ئەی خودای مەزن ئەی (ئامون) لەبەر ئەو بیرکردنەوە چەپەڵانەی سەبارەت بەم پیاوە هەمبوو، لێم ببوورە٠»
سینۆهە لێی دەپرسێت سەرەڕای ئەو هەموو زوڵم و ستەمەی ئەم پیاوە لە تۆی کردووە بۆچی هێشتا پێت وایە کەسێکی باش و دروستکار بووە؟
کۆیلەکە لە وەڵامدا ئەم ڕستە مێژووییە دەڵێت: «کاتێک خودایان ئاوایان لەسەر گۆڕەکەی نووسیوە، منی زەبوون چۆن دەتوانم پێچەوانەکەی بڵێم؟» سینۆهە پاشان لە یاداشتەکانیدا کاتێک ئاماژە بەم چیرۆکە دەکات دەنووسێت:
لەوێدا بوو کە زانیم کەودەنیی و گەلحۆیی مرۆڤ کۆتایی نایەت .
کاتێک سینۆهە شەوێک بە مەستی لە تەنیشت ڕووباری نیل خەوی لێ دەکەوێت، بۆ بەیانی خەبەری دەبێتەوە و یەکێک لە کۆیلەکانی میسر کە هەردوو گوێ و لووتی بە نیشانەی کۆیلەبوون بڕدرابوون، بەسەر سەری خۆیەوە دەبینێت، سەرەتا لێی دەترسێت بەڵام دواتر کاتێک بۆی دەردەکەوێت بێ ئازارە دەست دەکات بە قسەکردن لەگەڵیدا٠
کۆیلەکە باسی ئەو زوڵم و دەستدرێژییانە دەکات کە چینی خانەدانی میسر دەرهەق بە ئەو ئەنجامیان دابوو، باس لە فەرمانڕەوایەتیی دەرەبەگی ئەو ڕۆژانەی وڵاتی میسر دەکات٠
کۆیلەکە داوا لە سینۆهە دەکات بیبات بۆ سەر گۆڕی یەکێک لە خانەدانە ناسراو و ستەمکارەکانی میسر، چونکە سینۆهە خوێندەوار بوو، دەیویست بزانێت خودایان چییان لەسەر گۆڕی ئەو ستەمکارە نووسیوە٠
سینۆهە لە کۆیلەکە دەپرسێت بۆچی دەتەوێ چارەنووسی ئەم کەسە بزانیت؟
کۆیلەکە دەڵێت چەند ساڵێک لەمەوبەر من مرۆڤێکی بەختەوەر و ئازاد بووم، هاوسەرێکی جوان و کچێکی گەنجم هەبوو، کێڵگەیەکی بچووک و پڕ بەرەکەتم هەبوو کە لە تەنیش کێڵگەیەکی فراوان و بێ سنووری یەکێک لە خانەدانەکانەوە بوو، ڕۆژێک ئەو بە پێدانی بەرتیل بە کاربەدەستانی فیرعەون زەوییەکەی منی کرد بە ناوی خۆیەوە و بەبەرچاومەوە دەسدرێژیی کردە سەر هاوسەر و کچەکەم، پاشان هەردوو گوێ و لووتی بڕیم و بۆ کاری زۆرەملێ ڕوانەی کانەبەردەکانی کردم٠
چەندین ساڵ کاری بە هاوسەر و کچەکەم کرد و پاشانیش هەردووکیانی وەک خزمەتکار فرۆشت و ئێستا هیچ زانیارییەکم لەبارەیانەوە نییە٠
ئێستا لە کانەبەرد ڕزگارم بووە و بیستوومە ئەو کەسە مردووە، لەبەرئەوە دەمەوێ بزانم خودایان چییان لەسەر گۆڕەکەی نووسیوە٠
سینۆهە لەگەڵ کۆیلەکە بۆ شاری مردووەکان (گۆڕستان) دەڕوات و نووسراوی سەر گۆڕی ئەو کەسە بەم جۆرە دەخوێنێتەوە:
«ئەم پیاوە کەسێکی بەڕێز و دروستکار بوو، هەمیشە لە ژیانیدا هاوکاریی لێقەوماوانی دەکرد و ناموسی خەڵکی لای ئەو پارێزراو بوو، ئەو زەوییەکانی خۆی بە هەژاران دەبەخشی و هەرکات کەسێک ماڵێکی لێ ون ببووایە لە سامانەکەی خۆی بۆی دەژمارد و قەرەبووی دەکردەوە، ئەو ئێستا لای خودای مەزنی میسر (ئامون)ە و بە بەختەوەریی هەمیشەیی گەیشتووە٠»
لەم کاتەدا کۆیلەکە دەست بە گریان دەکات و دەڵێت:
«ئەو هێندە کەسێکی بەڕێز و دروستکار بووە و من نەمزانیبوو؟ دروودی خودایان لەسەر ئەو بێ٠ ئەی خودای مەزن ئەی (ئامون) لەبەر ئەو بیرکردنەوە چەپەڵانەی سەبارەت بەم پیاوە هەمبوو، لێم ببوورە٠»
سینۆهە لێی دەپرسێت سەرەڕای ئەو هەموو زوڵم و ستەمەی ئەم پیاوە لە تۆی کردووە بۆچی هێشتا پێت وایە کەسێکی باش و دروستکار بووە؟
کۆیلەکە لە وەڵامدا ئەم ڕستە مێژووییە دەڵێت: «کاتێک خودایان ئاوایان لەسەر گۆڕەکەی نووسیوە، منی زەبوون چۆن دەتوانم پێچەوانەکەی بڵێم؟» سینۆهە پاشان لە یاداشتەکانیدا کاتێک ئاماژە بەم چیرۆکە دەکات دەنووسێت:
لەوێدا بوو کە زانیم کەودەنیی و گەلحۆیی مرۆڤ کۆتایی نایەت .